Kapitein Rob op Skylge
Film
"Kapitein Rob op Skylge". Op snein 23 maaie stjoert Omrop Fryslân 'Kapitein Rob op Skylge' út. Dy dokumintêre jout in byld fan it waadeilân yn de jierren fyftich en wol troch de eagen fan Pieter Kuhn, de tekener fan de strip Kapitein Rob. Yn 1945 ferskynt Kapitein Rob foar it earst as strip yn Het Parool. Pieter Kuhn lit syn haadfiguer de meast fantastyske aventoeren belibje. Trije fan dy aventoeren spylje op Skylge: H̀et geheim van de Bosplaat' (1947), D̀e ontdekking van Krijn Storm' (1955) en H̀et geheim van de Westergronden (1958). Pieter Kuhn tekene saken en persoanen nei de wurklikheid. De trije dielen mei Skylge as dekor jouwe dan ek in goed byld fan it waadeilân yn de jierren fyftich. Skylge feroaret nochal nei de oarloch. Wie it eilân altyd rjochte op de see en foar in part op lânbou, yn de jierren fyftich komme der hieltyd mear toeristen. Foar in soad Skylgers in nije boarne fan ynkomsten. Guon boeren begjinne in camping en nije grutte hotels wurde boud. Yn Kapitein Rob op Skylge fertelle Skylgers hoe't har eilân der yn de jierren fyftich útseach. Bygelyks boer Volkert Cupido dy 't fan 1957 ôf badgasten op syn hiem kampeare liet en âld-kaptein fan sleepboat De Holland Klaas van der Wielen. Mar ek de trije dochters fan Pieter Kuhn komme op 'e tekst oer har heit en syn leafde foar Skylge. Mindert Wijnstra lêst passaazjes út de boeken dy't op Skylge spylje.