Friezen yn in wrâldstêd
Film
F̀riezen yn in wrâldstêd.̀ Om 1870 hinne, gong it min mei de lânbou yn Fryslân. Guon minsken emigrearren nei it bûtenlân, oaren gongen op 'e siik nei wurk yn de grutte stêden yn Nederlân. Tusken 1870 en 1900 ferdûbele de befolking fan Amsterdam nei 540.00 ynwenners. De Friezen foarmen de tredde groep emigranten. Yn dy tiid waarden yn Fryslân de Fryske kriten oprjochte. Dat inisjatyf waard oernommen troch de Friezen om utens. Yn Amsterdam wienen sels ferskate kriten mei in ledetal fan 1000 oant 2000. Neist de taalstriiders wie de krite ek in plak om 'ûnder elkoar' te wêzen mar it fungearre ek as houliksmerke. Fan alle kriten bestiet der noch mar ien: de yn 1938 oprjochte Krite 'Friso-Noard'. Dy Krite hat dit jier syn 65-jierige jubileum.Yn it programma 'Friezen yn de wrâldstêd' is te sjen dat der nei 130 jier noch hieltyd Friezen yn Amsterdam wenje dy't ynfolling jaan wolle oan harren kultureel bewustwêzen. Mar net elke Fries hat ferlet om him mei oare Friezen yn de stêd te ferienigjen. (nû. 7 op bân)